Kærleiksdáleiðsla

Langar þig að hugsa betur um þig, ná jafnvægi og innri ró og einmitt þannig geta verið betur til staðar fyrir þá sem þér þykir vænt um?

Hefur þú ef til vill lent í erfiðri reynslu sem hefur gert þig sterkari og þannig örlítið fjarlægari, reynslu sem hefur búið til einskonar varnarvegg svo ekki sé hægt að særa þig meira?

Líklega margir sem þekkja þetta og eins einhverjir sem þekkja kærleikslausa æsku. Foreldri sem kunni ekki betur en svo að ala barnið sitt upp á sama hátt og hann var alinn upp eða jafnvel búið við alkhólisma eða langvarandi veikindi í nánustu fjölskyldu sem gerðu hann sterkari, fjarlægari og um leið veikari á einhvern hátt.

Sumir vilja meina að meðvirkni skapi kærleikslausar aðstæður þar sem sá meðvirki er um leið stjórnsamur og gleymir að lifa í núinu og njóta augnabliksins.
Er kominn tími til að huga betur að sjálfum sér, sleppa taki á öðrum og efla styrk, jákvæðni og ofnæmiskerfið?

Ef svo er þá geturðu pantað tíma í kærleiksdáleiðslu þar sem þú færð loks tíma til að huga fyrst og fremst að þér og því sem skiptir þig mestu máli í dag.