Tónlistarviðburðir

Óperutónleikarnir Tálkvendi og töfrar verða haldnir þann 14. febrúar 2027 kl 15.00 í hinni hljómfögru Háteigskirkju. Hólmfríður byrjaði mjög ung að syngja og fagnar 40 ára söngafmæli á árinu. Á þessum tónleikum fær hún til liðs við sig þekkta óperusöngvara, Jóhann Smára Sævarsson, Hlín Petursdóttir Behrens og Gerði Bolladóttur. Á tónleikunum mun Hólmfríður flytja hlutverk Carmenar úr óperunni Carmen og hlutverk Dalilu úr óperunni Samson og Dalila. Hún mun einnig stíga í hlutverk Hans úr óperunni Hans og Gréta og rússneska prinsins Orlofsky úr Leðurblökunni. Ástríður Alda Sigurðardóttir sem er einn fremsti píanóleikari landsins mun spila á tónleikunum. Hólmfríður og Ástríður hafa unnið saman síðust árin. Þær voru með tónleika í mars 2026 í Hannesarholti þar sem flutt voru ljóð eftir Jean Sibelius og Atla Heimi Sveinsson og í apríl 2025 þar sem flutt voru þekkt ljóð eftir Schubert og Brahms í Dómkirkjunni í Reykjavík.